Prangka nga gintawag sang Malacañang nga selfish si Bise Presidente Sara Duterte matapos nga ginhambal sini nga indi niya luyag nga buligan si Presidente Ferdinand Marcos Jr., sa handum sini nga magbaligya sang bugas sa balor nga P20 kada kilo.
Ginpahayag ni VP Sara nga nakahibalo siya sang pamaagi nga makabaligya sang bugas sa balor nga P20 kada kilo apang indi niya luyag nga i-share ini.
Bilang sabat sa pahayag, suno kay Palace Press Officer kag PCO USec Claire Castro nga bata-isip ang pamatasan ni Bise Presidente Duterte.
Suno kay Castro, indi playground ang gobyerno para sa mga bata isip nga kasubong sang bise presidente.
Ginhatagan pagtamod ni Castro nga ini nga aksyon sang bise presidente nagapakita sang iya matuod nga batasan bilang isa ka public servant, nga selfish.
Ginhatagan pagtamod ni Castro nga dapat mangibabaw ang kaayuhan sang mga pumuluyo, ilabi na suno sa iya nga madamo sang mga Pinoy ang nabudlayan sa pagbakal sang pagkaon, bisan ang barato nga bugas.
Suno sa iya, kinahanglan nga panumdumon sang bise presidente nga indi hampang ang pagserbisyo sa pumuluyo, gani indi siya dapat maghulag nga daw bata.
Ginsiling sini nga ang pagbulig sa mga pigado nga Pilipino pinaagi sa mga serbisyo kaangay sang pagbaligya sang barato nga bugas ang indi dapat timing-on, kundi sa baylo ang ano man nga paagi nga nahibaluan mo nga makabulig dapat ipaambit kag himuon gilayon.
