Sa isa ka daku nga tikang batok sa malapnagon nga pagpanigarilyo sa publiko nga mga kasilyas, ang isa ka shopping center sa Shenzhen, China nagbutang sang mga high-tech nga mga ganhaan sa ila mga CR cubicles nga authomatic nga nangin transparent kon makita sini ang aso sang sigarilyo.
Sa Shuibei International Center, ang mga nagatinguha sa pagpanigarilyo pagasugataon sang paandam nga “Smoking makes the glass transparent,” sa diin ang pinasahi nga mga baso nga may mga compound sang silver halide madulaan sang ila frosted effect kag mangin matin-aw kon gina-trigger sang smoke kag heat sensors, upod ang isa ka mabaskog nga audio broadcast nga nagapahanumdom sa ila sang anti-smoking law.
Suno sa management, napilitan sila nga himuon ini nga solusyon bangud indi epektibo ang nauna nga multa kag pagdumili sa mga ginsaway nga mga mallgoers, gani subong ginapahog na lang nila pinaagi sa “public humiliation” kag pagpamahog nga kuhaan sang litrato ukon videohan samtang yara sa pribado.
Ini nga inisyatibo nangin viral kag nakakuha sang nagkalainlain nga mga reaksyon; samtang ang mga non-smokers nalipay bangod magauntat na ang secondhand smoke, ang iban nagakabalaka sa mga katalagman sa tion nga ang sensor mag-glitch ukon ang mga prankster hungod nga nagapanigarilyo sini gikan sa guwa samtang ang isa ka inosente nga tawo nagagamit sini sa sulod.
