ROXAS CITY – Malipayon si Mambusao Mayor-elect Luz Labao sa nangin suporta sa iya sang mga Mambusaonon, matapos nga nagpangibabaw sa nagtakup nga eleksyon.
Sa pagpakig-angut sang Bombo Radyo kay Labao, ginpahayag sini nga apisar ini ang magatal-os sa kay outgoing Mayor Leodegario ‘Jun’ Labao, Jr., may kasubo ini nga nabatyagan bangud napaslawan ang iya bana nga nagpapili sa pagka-congressman sa segundo distrito.
Plano ni Labao, nga padayunon ang wala matapos nga proyekto sang iya bana, kag prayoridad sini ang pagpanami pa sang plaza sang Mambusao.
Aminado man ini nga wala siya sang eksperyensiya sa pagdumala sang isa ka banwa, apang lantawon nalang sang mga pumuluyo ang iya mangin liderato, bangud pagahimuon sini ang iya masarangan para sa progreso sang banwa sang Mambusao.
