Manchester airport naka-eksperyensiya sang ‘power outage’ madamu nga mga flights naapektuhan

Madamu nga mga flights ang nakansela matapos ang natabu nga power outage sa Manchester Airport.

Gin-abisuhan na sang mga otoridad ang mga pasahero nga mag-angkon sang delay ang mga flights sa terminal 1 kag 2.

Magalab-ot naman sa 66 departures nagikan sa Manchester Airport ang nakansela samtang may yara sang 50 ka inbound flights ang nakansela.

Nagpangayo naman sang pasaylo si Mancher Airport managing director Chris Woodroofe sa mga apektado nga pasahero.

Wala man suno sila nagadahom nga nangin dako ang epekto sang pagkaguba sa bahin sang electrical system.

Naghimo na sila sang tikang agud ma-rebook ang mga pasahero nga naapektuhan.

Nagalaum ang mga ini nga makabalik na sa normal ang operasyon sang airport subong nga adlaw.