TRIGGER WARNING: SENSITIVE CONTENT
Indi na makilan-an ang itsura sang isa ka lalaki matapos ginlabo sang makapila ka beses sang iya mismo nga magulang sa Barangay Wangan, Calinan District, Davao City.
Ginkilala sang Davao City Police ang biktima nga si alyas “Jing”, 34-anyos, samtang nadakpan naman ang suspek nga si “Jan,” 39-anyos, magulang sang biktima.
Pilason man sa insidente ang asawa sang biktima kag ang 11 ka bulan nga anak matapos nga ginpanglabo sang suspek.
Nagaguwa sa imbestigasyon nga magkaupod pa nga nag-inom-inom ang mag-utod, apang natukiban sang suspek nga may relasyon ang iya nga misis kag iya kamanghoran nga utod.
Matapos sini, nagpadulong ang suspek sa balay sang iya utod kag ginpanglabo ang pamilya nga nagakatulog.
Nagapaayo karon sa ospital ang mag-iloy nga naulamid sa krimen.
Natalana naman nga pasakaan sang kaso nga murder kag frustrated murder ang suspek.
