ROXAS CITY – Patay ang isa ka mangingisda matapos ginbuno sang kapareho sini nga mangingisda sa Barangay Punta Cogon, Roxas City.
Ginkilala ang biktima kay Ramjie Mohametano, 24 anyos, residente sang nasambit man nga lugar.
Base sa inisyal nga imbestigasyon sang Roxas City Police Station, nagapauli na ang biktima kaupod ang abyan sini nga si Norlino Martinez gikan sa ilimnan sang makasugata ang suspek nga si Jolly Martinez nga yara man sa idalom sang impluwensiya sang makahulubog nga ilimnon.
Gin-agbayan sang biktima ang suspek agud nga idul-ong ini pauli apang nagbaisay ang duha sa tunga sang dalan.
Kasunod sini, nagabot sang kutsilyo ang suspek kag ginbuno ang biktima.
Nag-angkon sang patal nga pilas sa tiyan ang biktima rason nga gindala ini sa ospital apang gilayon man nga ginbawian sang kabuhi.
Nakaaresto naman sa karon sa Roxas City Police Station ang suspek matapos madakpan sang mga otoridad.
Samtang, hinubog kag indi pag-intiendihanay ang ginalantaw motibo sa nasambit nga insidente.
