Mangunguma, ginlabo sang utod kag hinablos sa Capiz

ROXAS CITY – Ginabulong sa ospital ang 62-anyos nga mangunguma nga ginlabo sang kaugalingon nga manghod kag hinablos sa sulod mismo sang ila puluy-an sa Barangay San Rafael, Dumalag, Capiz.

Pilas sa kamot kag parte sang lawas ang naangkon ni Celedonio Fajardo matapos ginlabo sang utod nga si Andres Fajardo kag hinablos nga si Alex Fajardo.

Sa imbestigasyon sang Dumalag PNP, nagaguwa nga kahulugbon kag daan nga hiligut-anon ang motibo sang mga suspetsado sa paglabo sa biktima.

Padayun nga gina-ayam sang mga kapulisan ang hinablos sang biktima nga si Alex samtang naaresto sang mga barangay tanod ang utod ni Celedonio nga si Andres nga yara karon sa karsel sang pulisya sa banwa sang Dumalag.