PANITAN, CAPIZ – Patay na sang masapwan sa uyapad ang isa ka 50 anyos nga mangunguma sa Barangay Salocon, Panitan, Capiz.
Ginkilala ang biktima nga si Reynaldo Distura, residente sang nasambit man nga lugar.
Suno kay Police Staff Sergeant Francisco Mario Balasa, imbestigador sang Panitan Municipal Police Station, nahibaluan sa ila pagpangusisa nga nagbiya ang biktima sa ila balay agud magpadulong sa uyapad.
Ginpahayag sini nga ginkatingala sang pamilya ni Distura nga wala pa ini makapauli rason nga ila ini nga ginpadulungan.
Apang nasapwan na lamang ang biktima sa uyapad nga nagakulob kag wala na sang kabuhi sa pa mahibaluan nga rason.
Base naman sa resulta sang porst mortem examination, wala sang foulplay sa kamatayon sang nasambit nga biktima.
