DUMARAO, CAPIZ – Padayon sa karon nga ginabulong sa Dao District Hospital ang isa ka mangunguma matapos ginbuno sang kapareho sini nga mangunguma sa Barangay Bungsuan, Dumarao, Capiz.
Ginkilala ang biktima nga si Ramil Odrunia, 29 anyos, residente sang nasambit man nga barangay.
Base sa nakuha nga impormasyon sang Bombo Radyo, nagainom ang biktima kaupod ang suspek nga si Persy Sialvo, 31 anyos.
Ginapahayag nga hinali na lamang nagpangakig ang suspek kag ginapahayag nga nagwaras ini.
Ginsaway sang biktima ang suspek apang sa baylo magpati, ginbuno siya sini sa likod.
Nag-angkon sang pilas sa iya likod ang biktima nga gilayon nga gindala sa ospital agud madapatan sang nagakaigo nga pagbulong.
Gilayon man nga nagpalagyo ang suspek matapos ang insidente.
