ROXAS CITY – Pilas ang naangkon sang mangunguma, matapos ginapahayag nga ginlabo sang kaangay sini mangunguma sa Sitio Ilaya, Barangay Lonoy, Sapian Capiz.
Ginkilala ang biktima kay William Monahan Bocayan 55-anyos samtang ang ginapahayag suspek ang ginkilala kay Rospero Nicolas Felizardo 54-anyos lunsay mga residente sang nasambit nga lugar.
Sa impormasyon nga nakuha sang Bombo Radyo sa Sapian Muncipal Police Station, ginpahayag nga sang nakita sang biktima ang suspek nga ginahanot ang iya hinuptanan nga karabaw ginpalapitan niya ini kag ginkompronta apang may nagluntad nga indi pag-intindihanay sa tunga sang biktima kag suspek.
Bangud sini, gilayon nga ginkuha sang suspek ang iya sanggot kag hinali nga ginlabo ang biktima.
Pilas sa tyan ang naangkon sang biktima nga madasig nagpangayo sang bulig sa iya kasilingan kag ginpadangat sa Mambusao, District Hospital, Mambusao Capiz agud dapatan sang nagakaigo nga pagbulong.
Samtang, padayon nga nagapatigayon sang hot pursuit operation ang otoridad, matapos nga nagpalagyo ang biktima matapos makumiter ang krimen.
