PONTEVEDRA, CAPIZ – Pilason ang isa ka mangunguma matapos nga gintiro sang wala matumod nga suspek sa Barangay Linampongan, Pontevedra, Capiz.
Ginkilala ang biktima nga si Roberto Dileo, 53 anyos sang Barangay Bailan apang temporaryo nga nagatenir sa Barangay Linampongan sa kampo nga ginapabantayan sang iya nga amo.
Base sa inisyal nga imbestigasyon sang Pontevedra Municipal Police Station, nagapahuway ang biktima kag nagahilay-hilay sang hinali na lamang may nagpundo nga tricycle sa iya atubangan nga ginamaneho sang wala makilala nga lalaki.
Diri kag ginaalegar nag-gabot sang armas-luthang ang suspek kag gintiro siya sang makaduha ka beses.
Madasig nga nakakuob ang biktima rason nga sa natuo nga kamot lamang ini napilasan.
Madasig nga nakapalagyo ang suspek matapos ang insidente.
Gilayon nga ginpadangat sa Bailan District Hospital ang biktima agud madapatan sang nagakaigo nga pagbulong.
Samtang, indi pa mapat-od kun ano ang motibo sang suspek sa iya pagtiro sa biktima.
