IVISAN, CAPIZ- Dakop ang isa ka lalaki matapos ang ginpatigayon nga buybust operation sa Barangay Santa Cruz, Ivisan, Capiz.
Ang nadakpan amo si alyas “Robert” yara sa legal nga pang edaron kag residente sang Poblacion Norte, Ivisan Capiz.
Sa impormasyon nga nakuha sang Bombo Radyo nagikan sa lugar, narekober sa amo nga suspetsado ang isa ka unit sang 38 caliber revolver, P500 buybust money, P2, 000 nga boodle money kag isa ka clutch bag nga naga duag sang grey.
Dugang pa nga madugay na nga Gina monitoran sang kapulisan ang nasambit nga persona.
Samtang, magapangatubang sa kaso nga paglapas sa Republic Act 10591 ukon (Comprehensive Firearms and Ammunition Regulation Act) ang amo sa suspetsado.
Sa karon, yara na ini sa kustodiya sang Ivisan Municipal Police Station para sa nagakaigo nga disposisyon.
