ROXAS CITY – Dismayado ang City comelec officer sa manubo nga numero sang mga nagapa-rehistro sa maabot nga Presidential/Local election sa bulan sang Mayo sa masunod nga tuig 2022 sa Roxas City.
Ginpahayag ni Atty. Jomar Betita humalin nga nagsugod ang voters registration sang tuig 2019, tuman ka nubo ang nagapadulong sa ila talatapan para magpa-rehistro.
Apang nagalaum ini nga malab-ot ang ila target nga 8 tobtob 10mil ka mga registrants para makaboto sa masunod nga eleksyon.
Nagpangabay man ini sa mga botante nga indi na paghulaton ang katapusan nga adlaw sang voters registration sa Septiembre 30 antes magparehistro bangud pagkatapos sini, magasugod naman ang filing sang COC sang luyag magpapili sa eleksyon.
Sa karon tuman ka gamay ang turnout sang mga botante sa syudad sang Roxas nga nakapa-rehistro humalin nga nagsugod ang voters registration.
