ROXAS CITY – Gilayon nga ginmandu sang Department of Education – Roxas City Division ang pagpasaylo sa iban nga eskwelahan sa isa ka manunudlo nga nagpanghaboy sang de-lata sa iya nga estudyante sa Pres Manuel Roxas Memorial Integrated School – South.
Ini ang ginkompirmar mismo ni Virginia Alaban, ang Principal IV sang nasambit nga eskwelahan sang mainterview sang Bombo Radyo.
Suno kay Alaban, tuman ang paghinulsol nga nabatyagan sa karon sang wala na ginhingadlan nga Grade 3 teacher bangud aminado ini nga sala ang iya ginhimo.
Ginpahayag ni Alaban nga sang iya nakahinala ang nasambit nga manunudlo, ginpahayag sini nga nagulpihan lamang siya rason nga ginhaboy sini sang de-lata sang sardinas ang iya Grade 3 pupil.
Mahibaluan nga nag-angkon sang tatlo ka tahi sa agtang ang estudyante bangud sa naangkon sini nga pilas.
Gilayon naman nga ginpaidalom sa counselling ang nasambit nga manunudlo kag ginsaylo ini sa isa ka eskwelahan sa Barangay San Jose, sining siyudad.
