Wala sa bokabularyo ang tinaga nga “pagretiro” sa ika sa 90-anyos nga si Beverly Hannett-Price.
Ini matapos ang 67 ka tuig nga pagtudlo, opisyal siya nga ginkilala sang Guinness World Records bilang nagakapot sang titulo nga“longest career as a language teacher” nga babaye.
Nagsugod siya sa pagtudlo sang English sang 1958 sa Detroit Country Day School.
Sa sulod sang halos pito ka dekada, nangin manunudlo siya sa pila ka bantog nga mga personalidad pareho sang nagtaliwan nga aktor sa Hollywood nga si Robin Williams, Steve Ballmer isa anay ka Microsoft CEO, kag Courtney B. Vance nga isa man ka award-winning actor.
Sa isa ka surprise assembly, emosyonal nga ginbaton ni Hannett-Price ang award kag nagsiling nga magapadayon siya sa pagtudlo tubtob sa iya masarangan bangod nanamian siya sa pagtudlo.
