Narekord ang mapintas nga engkwentro sa tunga sang mga nagaprotesta kag mga security forces samtang padayon nga nagalapta ang mga protesta sa Iran.
Ini na ang ika-11 nga adlaw sang sunod-sunod nga protesta sa pungsod.
Suno sa report sang isa ka Iranian news agency nga malapit sa Revolutionary Guards, duha ka pulis ang napatay matapos ginluthang sang mga armado nga indibidwal south-western town sang Lordegan.
Sa footage gikan sa iban nga bahin sang Iran, ang mga security forces gindeploy nga nagapalupok sang mga pusil kag nagahaboy sang tear gas sa mga nagaprotesta, ang iban sa ila nagahaboy sang mga bato sa mga pwersa sang gobyerno.
Ang mga demonstrasyon naglapta sa 111 ka mga siudad kag mga banwa sa tanan nga 31 ka mga probinsya sang Iran, suno sa isa ka report gikan sa isa ka ahensya sang balita nga nakabase sa Estados Unidos.
Suno sa isa ka report, naglapta pa ang mga demonstrasyon sa 111 ka mga syudad kag mga banwa sa tanan nga 31 ka mga probinsya sang Iran.
Sa kabug-usan, 34 ka mga protesters kag apat ka mga security personnel ang ginreport nga napatay sa tion sang kinagamo kag 2,200 ka mga protesters ang gindakop.
Matandaan, nga nagsudgod ang mga protesta sa Iran sang Disyembre 28, sang magprotesta ang shopkeepers sa mga dalanon sa sentro snag Tehran agud ipahayag ang ila kaakig sa pagnubo sang balor sang kuwarta sang Iranian currency nga rial batok sa dolyar sang Estados Unidos.
Sang ulihi, ang mga University students nagbuylog sa mga protesta kag nagsugod sa paglapta sa iban nga mga syudad sa Iran.
