Magapasa sang formal request si President Ferdinand Marcos Jr. sa Kongreso nga nagahingyo nga hatagan siya sang emergency powers agud mabuhinan ang excise tax sa produktong petrolyo kasunod sang padayon nga conflict sa Middle East.
Una na nga ginpahayag ni Marcos nga luyag niya i-certify bilang ‘urgent’ ang ginaduso nga tikang nga hatagan siya sang otoridad nga mapanuboan ang excise tax sa gatong sa tion nga ang presyo sang Dubai crude ang magalapaw sa $80 per barrel.
Nahibaluan nga na-file na ni House ways and means panel chair kag Marikina City 2nd District Representative Miro Quimbo ang hagna nga nagapahanugot sa Presidente nga i-suspend ukon buhinan ang excise tax sa petroleum products sa tion sang national ukon global economic emergencies.
