Ginalantaw ang posibilidad nga mag-angkon sang paghinun-anon sa tunga ni Pangulong Ferdinand Marcos Jr. kag US President Donald Trump, suno sa Department of Foreign Affairs (DFA).
Nagguwa ang ini nga impormasyon sa pag-itoryahanay sa telepono nanday DFA Secretary Enrique Manalo kag US Secretary of State Marco Rubio.
Antes sini, liwat nga ginpasiguro ni Marcos ang mabakod kag long-time alliance sang Pilipinas kag US kag ginpahayag nga magabulig ini kay Trump kag sa iya nga gobyerno.
Gintalakay man nanday Manalo kag Rubio ang state of defense kag security cooperation sang duha ka kaalyado, kalakip ang suporta sang US para sa modernisasyon sang depensa sang Pilipinas kag ang sitwasyon sa South China Sea.
Suno pa sa DFA, liwat nila nga ginpabakod ang importansya sang padayon nga pagpabaskog sang kaangtanan sa ekonomiya.
Ginhatagan man sang pagtamod sang duha ka tiglikom ang papel sang trilateral nga kooperasyon sa Japan indi lamang sa pagpabakod sang seguridad sa rehiyon kundi pati naman sa mga pagpanikasog nga magtukod sang mapag-on nga supply chain sa mga bilidhon nga sektor kag dugangan ang private investment.
