Ginpahayag ni President Ferdinand “Bongbong” Marcos Jr. kadungan sang Brigada Eskwela 2025 sini nga Lunes nga kinahanglan i-rehabilitate ang mga madugay na nga school buildings.
Matapos nga gin-inspeksyon ang Tibagan Elementary School sa San Miguel, Bulacan, natalupangdan ni Marcos nga ang pila ka mga building ang “Marcos-type” kag dapat na nga islan.
Nakit-an man ni Marcos nga ang mga comfort room sa eskwelahan ang kinahanglan nga mapakay-o.
Subong man, may problema sa suplpy sang tubig sa lugar, gani nabudlayan ang rehabilitasyon sang mga banyo.
Suno kay Marcos, ang supply sang tubig ang isa ka nagapanguna nga kinahanglanon agud masiguro ang ikaayong lawas kag kaluwasan sang mga bata sa eskwelahan.
Sa pihak sini, malipayon sa gihapon ang Presidente sa ginpatigayon nga inspeksyon.
Suno kay Marcos, masobra 27 million nga estudyante ang nakarehistro para sa School Year 2025-2026, nga magasugod sa Hunyo 16.
