MANILA, Philippines – Nanumpa bilang Special Envoy for Disaster Risk Reduction and Management (DRRM), si anay Department of Environment and Natural Resources (DENR) Secretary Maria Antonia Yulo-Loyzaga sa isa ka seremonya sa Malacañang.
Sa pagpanguna ni President Ferdinand Marcos Jr., ang oath taking kon sa diin nagpasalamat siya sa pagbaton ni Yulo-Loyzaga sa iya katungdanan sabay sa pagkilala sa ihibalo niya bilang disaster resilience management.
Madumduman nagserbe si Yulo-Loyzaga, bilang sekretaryo sang DENR sang 2022 tubtob 2025 antes siya ginbuslan ni anay Energy Secretary Raphael Lotilla sang Mayo 2025 kasunod sang cabinet reshuffle sang administrasyon ni Marcos.
Antes sang iya bag-o nga papel, si Yulo-Loyzaga nag-alagad man bilang direktor sang United Nations International Office for Disaster Risk Reduction Alliance for Disaster Resilient Societies sa sulod sang duha ka tuig.
Nahibaluan nga nagserbisyo man siya bilang presidente sang National Resilience Council kag katapo sang United Nations Office for Disaster Risk Reduction (UNDRR), Asia Pacific Science and Technology Advisory Group, magluwas sa pagka-executive director sang Manila Observatory halin 2007 tubtob 2016.
