Gindeklara ni President Ferdinand Marcos Jr ang Marso 20, 2026 bilang regular holiday sa bug-os nga pungsod bangud sa pag-obserbar sang Eid’l Fitr ukon pagtapos sang Feast of Ramadan.
Suno kay Palace Press Officer Claire Castro, ginhimo sang presidente ang anunsyo sang kaupod sini ang mga katapo sang Muslim community kag mga lideres sa pungsod nga ginhiwat sa Grand Liftar sa Malacañang.
Gindugang sini nga ginakilala sang deklarasyon ang importansya sang Eid’l Fitr ukon ang katapusan sang balaan nga bulan sang Ramadan.
Kadungan sini, ang Palasyo nagpalab-ot sang panamyaw sa komunidad sang mga Muslim sa pungsod kag sa bug-os nga kalibutan samtang nagahanda sila sa pagsaulog sang Eid’l Fitr.
Sa sini nga okasyon, ang mga Muslim nagatipon sa pagsaulog upod sa ila mga pamilya kag mga abyan.
Nagapangamuyo sila sang tingob kag nagalingawlingaw.
