Masobra 1 milyon nga balor sang marijuana dried leaves, nakumpiskar sang mga otoridad sa Barangay Ilawod sa banwa sang Panitan.
Sa interview sang Bombo Radyo kay PMAJ. Amie Bulaqueña, hepe sang Panitan MPS, ginpahayag sini nga nakumpiskar nila ang 15 tanan ka pakete sang ginapatihan marijuana nga ginbilin sa isa ka Roro Ticketing Outlet sa nasambit nga lugar.
Dugang pa sini, nakabaton ang mga ini sang report nagikan sa tag-iya sang nasambit nga outlet, kun sa diin ginpahayag sini nga may ginbilin ang konduktor sang isa ka Roro Bus nagikan sa Alabang sang isa ka bagahe nga may unod sang ginapatihan ilegal nga droga.
Gilayon naman ini nga ginrespondehan sang mga katapo sang Panitan MPS kag nagtawag sang bulig sa iban pa nga mga katapo sang ototidad kag nag-request sang K9 agud i-chekyar ang amu nga sako bag.
Matapos ang pag-chekyar sang K9 sa nasambit nga sako bag, ginchekyar naman ini sang mga otoridad kag didto natukiban ang 15 tanan ka pakete sang ginapatihan marijuana.
May kabug-aton ini nga 15 kilos kag may estimated price nga P1.8 Million.
Sa karon, padayon pa ang gina-imbestigahan sang mga otoridad agud matumod kun sin-o ang nagpadala sang amu nga bagahe kag kun sa diin kuntani ini padulong.
