Patay ang masobra sa 200 ka tawo matapos nga narumpag ang isa ka minahan sa Rubaya, nasidlangan nga bahin sang Democratic Republic of Congo suno sa rebel authorities sa rehiyon.
Suno kay Lumumba Kambere Muyisa, spokesman sang rebel governor sang North Kivu, narumpag ang minahan sang Miyerkules bangud sa mabaskog nga ulan.
Lakip sa mga napatay amo ang mga babaye, kabataan, kag mga artisanal miners nga nagamina sang coltan, isa ka mineral nga ginagamit sa paghimo sang electronic devices pareho sang smartphones kag computers.
Dugang pa niya, nga ang mahumok nga duta sa lugar amo ang nagpalala sa sitwasyon
Ginabulubanta naman nga 20 ka mga survivors ang nagapaayo sa ospital.
Nahibaluan nga ang Rubaya ang isa sa mga banwa sa North Kivu nga ginakontrol sang M23 nga ginapahayag may suporta gikan sa pungsod sang Rwanda.
Kon sa diin ang minahan diri nagahupot sang 15% global coltan supply kag katunga sang kabug-usan nga deposito sang DR Congo.
Ang Coltan importante sa paghimo sang high-performance capacitors para sa nagkalainlain nga elektroniko nga kagamitan, rason kon ngaa mataas ang demand sa bug-os nga kalibutan.
Sugod sang 2024, ginakontrol sang mga rebelde sang M23 ang mga minahan, kag gin-akusahan sila sang United Nation nga nagapatuman sang buhis sa pagmina para sa ila kaugalingon nga kaayuhan.
