Yara sa 36,174 nga mga salakyan ang nadugang sa mga karsadahon sa pungsod sang Agosto, suno sa datos nga ginpaguwa sang Chamber of Automotive Manufacturers of the Philippines Inc. (CAMPI) kag sang Truck Manufacturers Association (TMA) sang Martes.
Ang numero ang mas manubo sa nabaligya nga nareport sang Hulyo kag sa kasubong nga bulan sang tinalikdan nga tuig.
Ang nabaligya sang Agosto ang mas manubo sang 5.5% kun ipaanggid sa 38,295 units nga nabaligya sang Hulyo kag sang 7.6% sa 39,156 units nga nabaligya sang Agosto 2024.
Kadam-an sa nabaligya ang ginakalakipan sang commercial vehicles nga may 28,583 units ukon 79.02%, samtang 7,591 units ukon 20.98% ang mga passenger cars.
May kabug-usan nga 2,244 electric vehicles ang nabaligya sang Agosto — 1,295 hybrid, 661 battery, kag 288 plug-in hybrid.
Ang na-dispose sa Asian utility vehicles ang yara sa 20,852 units; Asian utility vehicles sa 6,840 units; light-duty trucks and buses sa 555; medium-duty trucks and buses sa 279; kag heavy-duty trucks and buses sa 87.
Year-to-date, ang nabaligya ang narekord sa 305,381 units, kabaylo sang 0.2% nga pagtaas halin 304,765 units sa kapareho nga panahon sang tinalikdan nga tuig.
