Nagdangat sa kabug-usan nga 382,302 ka indibidwal ukon kabaylo sang 77,910 ka pamilya ang apektado sa karon sang Severe Tropical Storm Kristine sa Bicol Region, Western Visayas, Eastern Visayas, kag Zamboanga Peninsula.
Ini ang ginkumpirmar sang National Disaster Risk Reduction and Management Council.
Sandig sa datos sang ahensya, gikan ini sa natumod nga apektado nga populasyon, naglab-ot sa 12,334 indibidwal ukon kabaylo sang 3,095 ka pamilya ang nagapabilin sa karon sa mga evacuation areas.
Suno sa ahensya, maluwas diri, nagapabilin naman ang 364 nga indibidwal kabaylo sang 96 ka pamilya sa ila lugar bangud sa epekto sang nasambit nga bagyo.
Padayon naman ang ginahiwat nga rescue operation sang mga concerned agencies ilabi na sa mga ginabaha nga lugar .
Tayuyon man ang pagpalab-ot sang gobyerno sang nagakaigo nga bulig sa mga apektado nga residente.
