ROXAS CITY – Na deploy na ang masobra 500K ka mga official ballots nga paga-gamiton para sa May 12, 2025 National ang Local Elections sa bilog nga probinsya sang Capiz.
Suno kay Atty. Salud Milagros Villanueva, Provincial Election Supervisor sang Commission on Elections Capiz, ginpahayag nga may yara sang kabug-usan nga 539, 459 ka mga official ballots ang ginpanagtag sa kabug-usan nga 773 tanan ka mga clustered precincts sa probinsya.
Dugang pa sini, antes pa man nga pagabuksan sang mga nagkalatungdan nga persona kaangay sang Treasurers kag Election Officers ang kahon kun sa diin ginbutang ang mga balota, magaagi anay ini sa verification process kun sa diin paga-tsekyaron sang nasambit nga mga natungdan ang gamay nga buho sang karton sa pagsaksi sang publiko agud masigurado nga matuod nga ballots ang sulod sini.
Nahibaluan, nga tatlo ka adlaw ang makaligad antes nga e-tsekyar sang mga natungdan ang amu nga mga karton nga ginsudlan sang mga balota.
Samtang, natalana naman nga ipatigayon sa Mayo 7, 2025 ang Final Testing kag Sealing sang mga Automated Counting Machines nga paga-gamiton sa maabot nga eleksyon.
