Masobra sa 6,000 motor vehicles ang nadakpan sang Land Transportation Office (LTO) sa bilog nga pungsod sa sulod sang 15 ka adlaw subong nga bulan sang Hunyo alinsunod sa padayon nga “agresibo” nga pagpatuman sang “No Registration, No Travel” policy.
Ginpahayag ni LTO chief Vigor Mendoza II, ang padayon nga operasyon ang dapat mangin pahanumdom para sa mga iresponsable nga motor vehicle owners sa ila nga obligasyon nga i-renew ang pagpa-rehistro sang ila mga salakyan.
Suno sa LTO, may kabilugan nga 6,064 nga motor vehicles ang nadakpan halin Hunyo 1 tubtob Hunyo 15, nga kun sa diin 5,127 ang motorsiklo samtang ang iban four-wheel vehicles.
Samtang, may kabilugan man nga 5,470 ang nahatagan sang violation ticket apang, 981 ang gin-impound. Para sa mga four-wheel vehicles, 34 ang pampasahero nga jeep apang apang ang pito diri amo ang pampasahero nga bus.
Ang padayon nga kampanya sang LTO kontra sa mga indi rehistrado nga salakyan ang kabahin sang road safety instruction sang Department of Transportation.
