Masobra 8 million ka-tawo nagikan sa nagkalain-lain nga syudad sa US kasubong sang Los Angeles, New York, Boston, Washington DC, Houston, kag Minnesota ang nagpasakop sa “No Kings” protest sang Marso 30, 2026.
Katuyuan sang hublag-protesta nga pamatukan ang pila ka mga polisa ni US President Donald Trump, kalakip ang giyera sa Iran, pagpahugot sa immigration, kag pagtaas sang presyo sang mga balaklon.
Sa Minnesota, ginhanduraw man sang mga nagprotesta ang mga napatay nga sanday Renee Nicole Good kag Alex Pretti nga ginpangluthang sang federal immigration agents.
Kalakip man sa protesta ang pila ka mga kilala nga personalidad kasubong nanday Robert De Niro kag Bruce Springsteen. Hugot ang pagbantay sang mga awtoridad, kag pila ka mga indibidwal ang gin-aresto sa Los Angeles bangud sa plano nga pagpanakit sa mga opisyal.
Ginpatigayon man ang mga hublag-protesta sa iban nga pungsod kaangay sang Paris, London, kag Lisbon, Portugal, kag nalapawan sini ang numero sang mga nagpasakop kun ipaanggid sa tinalikdan nga “No Kings” protest sang Oktubre 2025.
