ROXAS CITY – Ginabulubanta yara sa masobra 80 ka mga panimalay ang ginlamon sang kalayo sa nagluntad nga sunog takna 1:34 subong nga hapon sa Rizal St. Barangay VII, Roxas City.
Sa inisyal nga impormasyon nga nakuha sang Bombo Radyo, nagresponde sa lugar ang kapin 15 ka mga firetrucks agud bululigan nga mapalong ang kalayo.
Samtang wala naman makasalbar sa sunog ang isa ka 66-anyos nga babayi nga Persons with Disability (PWD) nga si Anita Villaruz matapos nga na-trap sa nasunog nga balay kag 78-anyos nga si Nestor Clarito.
Ginapahayag wala makaguwa sa puluy-an si Villaruz bangud ini ang lupog samtang ginaalegar naluwas na si Clarito apang ginbalikan sini ang mga nabilin nga kagamitan.
Nagpasiguro naman sang bulig si Mayor Ronnie Dadivas sa mga biktima sang sunog.
