ROXAS CITY – Masobra sa 800, 000 ka mga kabalayan kag commercial establishments ang nagkalaguba bangud sa pagpanalasa sang hurricane Michael sa estado sang Florida sa Amerika.
Sa interview sang Bombo Radyo kay Michelle Jackson, Capizeña nga nakaba-se sa karon sa Riverview, Florida, wala sang suplay sang kuryente sa karon ang mga estado nga direkta nga gin-gu sang nasambit nga bagyo.
Ginpahayag pa sini nga ginpa-evacuate naman ang mga residente sa halos 35 counties sa nasambit nga estado sa mga evacuation centers at ang iban naman ang ginpili nga magcheck-in sa mga hotels.
Sa karon, nagapadayon ang pagkaayo sa nagguba nga mga linya sang kuryente sa apektado nga mga lugar.
Magluwas diri, padayon man sa pag-alabutan ang bulig gikan sa gobyerno sang Florida kag iban pa nga mga volunteer groups sa mga nahalitan sang bagyo.
Sa karon, padayon nga nagapanalasa ang nasambit nga bagyo sa Charlotte, North Carolina.
