Masobra 800-K nga mga indibidwal naapektuhan sang bagyo nga Carina

Masobra 800,000 na ka mga tawo ang naapektuhan sa pungsod bangud sang bagyo Carina.

Suno sa Office of the Civil Defense (OCD), naglab-ot sa 882,861 nga mga indibidwal ukon 183,464 nga pamilya gikan sa 686 nga barangays sa bug-os nga pungsod ang apektado sang bagyo kag habagat.

Samtang, napahamtang sa 90 na evacuation centers ang yara sa 35,388 nga mga indibidwal.

Ginpahayag ni OCD spokesperson Edgar Posadas nga mas madamo nga mga pumuluyo ang ginpili nga magtinir anay sang temporaryo sa ila nga mga himata apang padayon ang mga ini sa gihapon nga gina-monitor.

Pila sa mga lugar nga ginabantayan sang OCD amo ang Metro Manila, Central Luzon kag Calabarzon.