ROXAS CITY – Natigayon nga mataban sang isa ka empleyado sang kompanya sa Barangay Tanza Gua, Roxas City, ang masobra P90,000.00 nga kwarta.
Sa impormasyon nga nagikan sa Roxas City PNP, nga suno kay Jocelyn Oller, 40-anyos, residente sang Palencia St., Camella Homes, Barangay Sibaguan, Roxas City kag Sales Manager sang kompanya ginpahayag sini nga sang nagpatigayon sang review ang ila account specialist natukiban sini ang mga overdue sang account receivable (A/R).
Bangud sini, gilayon sila nga nagpadulong sa Ajuy, Iloilo agud padulungan ang branch sang amu nga kompanya agud magpatigayon sang audit apang diri kag nakit-an nga ang nasambit nga account tapos na nga mabayaran apang wala na-remit.
Suno diri, gilayon sila nga nag-isyu sang memo kay Michele Igloria Mass Major Account Specialist sang kompanya kag residente sang Barangay Bato sining syudad kag ginatudlo suspek.
Matapos sini, nag-file man sang resignation letter ang suspek matapos mabaton ang nasambit nga memorandum.
