ROXAS CITY – Nagapadayon ang mass registration sang mga coconut farmers sa probinsya sang Capiz.
Ini ang ginpahayag ni OIC Provincial Manager Andy Laurilla sang Philippine Coconut Authority- Capiz sang mainterview sang Bombo Radyo.
Suno kay Laurilla nga ginapatigayon diri ang pag-update sang National Coconut Farmers Registry mangin ang information drive sang nasambit nga ahensiya para sa mga coconut farmers.
Ang nasambit nga kampanya amo ang mapadasig ang pag-inform sa mga coconut farmers pinaagi sa pagpakig-coordinate nila sa mga Local Government Units (LGU), Brgy. Officials kag small coconut farmers organization.
Tinutuyo sang amo nga programa ang ma-update kag marehistro ang mga bag-o nga coconut farmers.
Kalakip na diri ang mga tag-iya, mangunguma, caretakers kag administrators sang mga lubi.
Mahibaluan nga may pila naman ka mga farmers ang nakaparehistro sa probinsya.
