ROXAS CITY – Ginsuguran na sang City Veterinarian’s Office ang pagbakuna sa mga kasapatan batuk sa rabies nga dala sini, sa Barangay Culajao, Roxas City.
Ini ang ginpahayag ni Mrs. Mary Ann Baria, Acting City Veterinarian kag Provincial Agriculturist sang mainterview sang Bombo Radyo.
Suno diri, pinaagi sa koordinasyon sang barangay council ginhiwat ang house to house mass rabies vaccination kun sa diin nabakunahan ang 254 ka mga ido kag kuring sa nasambit nga barangay.
Ginklaro ni Baria, nga libre ang nasambit nga bakuna kag target nga mabakunahan ang kapin 80% nga numero sang mga kuring kag ido sa syudad sang Roxas.
Masunod nga barangay nga pagapadulongan amu ang Mongpong, Gabuan, Dumulog, Cogon, Punta Cogon kag madamo pa nga nakig-angut sa ila nga talapatan.
Kinahanglan antes ang pagpabakuna, wala sang may ginasupreher nga balatian ang ila ginahuptan nga kasapatan kag naga-edad sa 17 weeks ukon 3 ka bulan kag tunga.
Home Local News Mass vaccination batuk sa rabies ginsuguran na sang City Veterinarian’s Office; 80%...
Mass vaccination batuk sa rabies ginsuguran na sang City Veterinarian’s Office; 80% sang mga kasapatan sa syudad target nga mabakunahan
-- ADVERTISEMENT --
