Ginsiling ni Kilusang Magbubukid ng Pilipinas (KMP) chair kag senatorial aspirant Danilo “Ka Daning” Ramos nga matuod nga reporma sa duta ang sabat agud masolusyunan ang nagalala ngainflation sa Pilipinas.
Sa ginpatigayon nga “The Senatorial Face-Off 2025”, ginpamangkot ang senatorial candidates kung ano sa ila panan-aw ang rason sang pagtinaas sang mga presyo sang balaklon sa nakaligad nga panahon, kag kung anu ang mahimo nga solusyon sa epekto sang inflation.
Suno kay Ramos, ang mga tikang sang gobyerno ang nagaserbi ugat kung ngaman madasig ang inflation sa pungsod.
Para kay Ramos una nga mahimo mangin solusyon ang matuod nga reporma sa duta, ginatumod sini amu ang tinutuyo nga libre nga ihatag ang duta sa mga mangunguma, palawigon ang ginatamnan sang palay kag indi ang mga subdivisions kag malls.
Ika-duha, government subsidy para sa mangunguma kag palawigon ang papel sang gobyerno.
Indi importasyon kundi lokal nga produksyon sang pagkaon ang pabaskugon.
Ginhatagan man sini sang pagtamod ang grupo sang mga mangunguma nga importante mawasak ang kartel bangud isa ini sa rason kung ngaman nagataas ang presyo sang pagkaon.
Mahibaluan nga si Ramos isa sa senatorial candidates sang Makabayan Coalition.
