Ginbaha ang pila ka mga uyapad kag mga dalanon kun sa diin ang iban, indi na maagyan sang mga motorista sa banwa sang Sigma.
Ang kauyaparan sang Barangay Dayhagon, Barangay Cogon, Barangay Bangonbangon, Barangay Amaga, Barangay Capuyhan, Barangay Poblacion Norte, Barangay Pagbunitan, Barangay Guintas, Barangay Tawog kag Barangay Matangcong, ang pila sa mga kabarangayan ang nabalhag nga ginbaha.
Samtang, indi naman maagyan ang dalanon sang Barangay Dayhagon, Sitio Balod kag Sitio Alimbayod sang Barangay Cogon, Sitio Manaba sang Barangay Bangonbangon, Sitio Sugod kag Sunshine sang Barangay Poblacion Norte, Sitio Kapitongan sang Barangay Mangoso kag Sitio Vito sang Barangay Pagbunitan.
Wala naman sang may na-report pa nga nag-evacuate kag padayon naman ang ginahiwat nga monitoring sang mga katapo sang Sigma Disaster Risk and Reduction Management Office kag sang mga opisyales sang nasambit nga mga kabarangayan.
