Maximum SRP para sa sibuyas kag karne sang baboy, ipatuman

Nagaplano ang Department of Agriculture (DA) nga mag-implementar sang maximum suggested retail price (MSRP) para sa red onion kag sa  karne sang baboy.

Suno kay Agriculture Secretary Francisco Tiu Laurel Jr., madamo sang imports sa pula nga sibuyas apang wala gihapon naganubo ang presyo sa mga mercado.

Sa inisyal nga plano, P120 kada kilo ang maximum suggested retail price. Gina-evaluate pa subong ang plano, apang posible nga ipatuman na ini sa masunod nga semana.

Sa karne naman sang baboy, importante ang maximum suggested retail price suno sa iya bangud tuman ka nubo ang farmgate price sang baboy kag nagakapierde ang farmers.

Samtang, makig-istorya anay ang DA sa mga retailer antes ang implementasyon.