Maximum Suggested Retail Price sa Baboy kag Carrots, ipatuman na umpisa Disyembre 5

Maga-umpisa na sa Biyernes, Disyembre 5, ang pagpatuman sang Department of Agriculture (DA) sang maximum suggested retail price (MSRP) para sa baboy kag carrots.

Suno kay Agriculture Secretary Francisco Tiu Laurel Jr., iga-sapinal na ang mga presyo agud mapabilin nga stable ang presyo sang mga napanguna nga balaklon subong nga holiday season.

Gintalana ang Maximum Suggested Retail Price sa P370 kada kilo para sa pork liempo, P350 kada kilo para sa pigue kag kasim, kag P120 kada kilo para sa carrots.

Base sa monitoring sang Department of Agriculture tubtob Disyembre 1, ang presyo sang pork ham sa Metro Manila ang yara sa P270–P390 kada kilo, samtang ang pork belly ang naglab-ot sa P320–P470 kada kilo.