Ginpanubo sang Department of Agriculture (DA), ang maximum suggested retail price (MSRP) para sa 5 percent broken imported rice sa P55 kada kilo.
Nagpahanugot naman ang retail markets nga panubuon ang presyo nagikan sa P58.00/kilo kung sa diin, una nga ginpatuman ang MSRP sadtong Enero 20, 2025.
Suno kay DA spokesperson Assistant Secretary Arnel de Mesa nga ang MSRP igapatuman sa bilong nga pungsod sa Pebrero 15.
Ginalauman naman ni Agriculture Secretary Francisco P. Tiu Laurel Jr. nga maganubo pa ang MSRP sa mga palaabuton nga semana kag posible nga mas maganubo sa P50.00 kada kilo sa Marso.
Tubtob Pebrero 1, ang presyo sang premium imported rice nagahampang sa P51.00 tubtob P58.00 kada kilo, suno sa DA Bantay Presyo.
Samtang, ang presyo naman sang imported well-milled rice nga nagikan sa P40.00/kg tubtob P52.00/kg, imported regular milled rice nga may presyo P38.00/kg tubtob P48.00/kg.
Yara naman sa P50.00/kg tubtob P57.00/kg ang presyo sang premium local rice, samtang ang local well-milled yara sa P40.00/kg tubtob P55.00/kg, kag ang local regular-milled rice P37.00/kg tubtob P46.00/kg.
