“May wig o wala, may nagmamahal sayo” – ini ang ginpahayag ni Vice Ganda sa isa ka searchee nga may alopecia

Natandog ang kadam-an sa mga nakalantaw sang segment sa isa ka noon time show bangud sa pagkuha ni Vice Ganda sang iya sini nga ginasuksok nga wig.

Ini agud ipakita ang iya suporta sa searchee nga si “April” nga may balatian nga alopecia.

Madamo sa mga tumalan-aw ang nagtulo ang luha samtang naghaksanay ang mga ini agud ipabutyag nga may buhok man ukon wala, naka wig man ukon wala, may nagapalangga sa gihapon sa ila.

Mahibaluan nga ang kondisyon nga Alopecia amu ang pagka-unot sang buhok nga mahimo nga mangin resulta sang heredity, pagbag-o sa hormone, medical conditions ukon normal nga bahin sang pagtigulang.