ROXAS CITY – Plano sang alkalde sang Pontevedra nga magpahamtang sang tricycle lane sa mga national hihgways sa bilang pagtuman sa nasaad sa Memorandum Circular 036-2020 sang Department of Interior and Local Government (DILG).
Ini ang ginpahayag ni Mayor Esteban Evan Contreras sang ma-interview sang Bombo Radyo Roxas.
Suno kay Contreras nga plano sini nga hinyuon sa mga Sangguniang Bayan members nga magpapasar sang ordinansa nga magapatuman sang istrikto nga pagsulundan agud mag-agi sa tricycle lane nga gintalana sa ila ang mga tricycle.
Ginpahayag sang alkalde nga kadam-an nga karsada sa national highways ang may yara sang 4 lanes rason nga magakuha lamang sang tag-duha ka metros sa tuo kag wala sang karsada agud himoon nga alagyan sang mga tricycle.
Apang sa mga karsada nga indi pa sang 4 lanes, may ginpa-in nga pondo nga nagalab-ot sa P15 milyones para gamiton sa pagpakaayo kag pagpasemento sa mga rough roads.
Indi luyag sang alkalde nga maapektuhan ang commuters rason nga ginpangitaan sini sang pamaagi agud indi madula ang mga tricycle sa national highways nga amo ang mode of transportation sa banwa.
Samtang pag-abot naman sa road clearing operations ang mga kudal nga nagalapaw na sa karsada ang dapat nga gub-on sang tag-iya, bilang pagsunod sa pagsulundan.
