Mayor Guo nagpaguha sang hinanakit batok sa mga Senador

Nagpaguha sang panibag-o nga pahayag si Bamban, Tarlac Mayor Alice Guo angut sa mga ginaka-atubang niya nga isyu nga may kaangtanan sa operasyon sang iligal nga Philippine Offshore Gaming Operations.

Sa official statement sini nga ginpaguha sining Huwebes sang gab-i  ginmentyunar niya nanday Senator Sherwin Gatchalian kag Senator Risa Hontiveros nga kinahanglan hatagan nalang sang tiyempo ang ila nga isyu kasubong sang kakulangan sang pagkain kag health care imbes nga ang pagpamahog sa iya nga siya ang arestuhon.

Dugang pa sini nga pananglitan may ebidensiya ang mga ini batok sa iya  handa siya nga mag-atubang sa “fair trial” kag “proper forum”.

Wala man ini naghandum nga gamiton ang iban nga tawo agud mapabaskog ang iya ambisyon sa pulitika.