ROXAS CITY – Nangin matawhay ang ginpatigayon nga eleksyon sa League of Municipalities of the Philippines –Capiz chapter nga ginhiwat sa isa ka hotel sa Barangay Lawaan, sining syudad.
Napilian bilang bag-o nga presidente sang LMP-Capiz chapter si Mayor Leodegario ‘’Jun’’ Labao sang banwa sang Mambusao.
Si President Roxas Mayor Receliste ‘’Tanoy’’ Escolin naman ang napilian nga bise presidente, Secretary – Mayor Felipe Yap sang Ivisan, Treasurer – Mayor Athur John Biñas sang Sapian, Auditor – Mayor Raymond Malapajo sang Maayon, PRO – Mayor Mac Arthur Valdemar sang Jamindan kag ang Muse amo si Mayor Katherine ‘’Kit’’ Dequiña-Belo sang Panit-an.
Samtang suno kay Mayor Escolin nga isa sa mga programa sang organisasyon amo ang pagpatindog sang LMP building sa Roxas City kag ang monthly meeting sang mga alkalde nga patigayunon sa mga kabanwahanan.
