ROXAS CITY – Naka-consolidate na ang mayorya sang mga van drivers kag operators para sa PUV Modernization Program sang gobyerno.
Suno kay Elvin, yara sa masobra P20,000 na ang ila nagasto agud makapaconsolidate sang ila ginabiyahe nga van Maayon-Roxas vice versa.
Aminado nga nabudlayan bangud sa limitado nga pasahero apang wala sila sang mahimo kundi magsunod sa ginapatuman sang gobyerno kag agud indi madulaan sang pangabuy-anan.
Pahayag sini, masuwerte na nga makakita sang P1,000 sa biyahe, buhinan pa sang boundary kag mapauli ang nabilin nga kita sa pamilya.
Daku kuntani suno diri nga bulig ang ginpromisa nga fuel subsidy para sa drivers kag operators agud mapiyan-piyan sa ila galastuson apang tubtob sa karon wala pa sang may ginahatag ang gobyerno.
Nagalaum si Elvin, nga mabuligan sila sang gobyerno ilabi na nga tuman nga apektado ang sector sang transportasyon bangud sa modernization program.
