ROXAS CITY – Ginkalipay sang mayorya sang Taiwanese ang kadalag-an sang bag-o eleher nga presidente sang Taiwan nga si Lai Ching Te.
Sa pahayag ni Bombo International News Correspondent Vincent Alaro de Vicente direkta sa Taiwan, kadam-an sang mga Taiwanese ang nalipay sa nangin resulta sang eleksyon bangud nagakahulugan ini nga magapadayon ang pakigbato sang Taiwan agud mangin isa ka independent country.
May mga katigulangan man suno diri nga nagboto sa kandidato sang China indi bangud suportado nila ang China kundi agud ma-untat na ang kinagamo kag batunon na lang ang kapalaran sang Taiwan.
Nagapati si de Vicente nga ginpili sang mga Taiwanese si Lai Ching Te bangud sa iya sini nga mga plano para sa pungsod kag panindugan nga indi liwat magpasakup sa China.
Mahibaluan, isa sa plano ni Lai Ching Te nga pabakuron ang relasyon sa tunga sang Pilipinas kag Taiwan kag hatagan sang madamo nga oportunidad ang mga Pilipino skilled workers nga makakita sang trabaho.
