ROXAS CITY – Bali sa magkatuhay nga bahin sang lawas ang naangkon sang isa ka menor de edad, matapos ini ang nabunguan sang motorsiklo samtang naga bisekleta sa Barangay Tiza, Roxas City.
Ginkilala ang driver sang motorsiklo kay Loreto Anot Jr., 54-anyos kag residente sang Barangay Inzo sining syudad.
Sa impormasyon nga nakuha sang Bombo Radyo sa Roxas City Police Station nga samtang ginasubay ni Anot ang dalan padulong kun tani sa Barangay Milibili sang aksidente sini nga nabungguan ang amu nga biktima.
Mahibaluan nga yara sa impluwensya sang makahulubog nga ilimnon si Anot.
Bangud sa mabaskog nga impact sang pagkabungo, bali ang tiil sang biktima nga gilayon naman nga ginrespondehan sang katapo sang Roxas City Emergency Response Team (RCERT) kag gindapatan sang pauna nga pagbulong antes gilayon nga ginpadangat sa ospital.
Sa karon, ginkustodiya na sa Roxas City Police Station kag ang ginamaneho sini nga motorsiklo para sa nagakaigo nga disposisyon.
