ROXAS CITY – Ginapahayag gin-possess ang isa ka menor de edad sang iya magulang nga naghikog-patay sa Alba Village, Barangay Dinginan, Roxas City.
Sa interview sang Bombo Radyo Roxas kay Ronilyn Ballos, utod sang naghikog nga si Rolly Ballos, samtang yara sila sa haya sang biktima, ila ginkakibot sang hinali na lamang nag-ugahab sang hibi ang ila manghod nga si alyas Maymay.
Kasunod sini, hinali na lamang siya nagpalaniskog kag ginapahayag nagahambal sang kasubong sang tinog sang lalaki nga ginapatihan si Rolly nga nag-possess sa iya manghod.
Suno pa kay Ronilyn nga kasubong duha ka tawo nga nagasabtanay ang nagakawas sa bibig ni Maymay nga kasubong ginahagad ini ni Rolly nga magsunod sa iya.
Mahibaluan nga naglab-ot pa sang masobra tunga sa oras antes dalayon nga nagkalma si Maymay.
Matandaan nga si Rolly, 18 anyos, ang naghikog-patay sa isa ka waiting shed sa ila lugar gamit ang pisi.
