ROXAS CITY – Nakilala na mga suspek nga nagsulod sa talatapan sang isa ka lending company sa Barangay Tiza, Roxas City.
Kalakip diri ang isa ka gabunan nga kawatan nga menor de edad nga ginkilala kay Kent Villanueva 17-anyos sang Barangay Libas, sining syudad kag Paolo Alagon 17-anyos sang Inzo Arnaldo Village, Roxas City.
Matapos nagpa-blotter sa Roxas City PNP ang account officer sang ASHI nga si Joenalyn Sudario 23-anyos sang San Jose, Antique, gilayon nagpatigayon sang follow-up investigation ang mga kapulisan.
Nahibaluan nga gin-ako ni Villanueva nga sila sang kaupod nga si Alagon ang nagsulod kag nagpangawat sa nasambit nga talatapan kag naubos na gasto ang cash nga ila nakuha.
Ginpahayag sini nga ang nabilin na lamang amo ang isa ka unit sang tablet.
Samtang ginturn over sang kapulisan ang duha ka menor de edad nga mga suspek sa City Social Welfare and Development Office.
