Mercy Sunot sang Aegis, nagtaliwan na sa edad nga 48

Nagtaliwan na sa edad nga 48-anyos ang isa sa mga lead vocalist sang bandang Aegis nga si Mercy Sunot matapos makigbato sa sakit nga breast kag lung cancer.

Ginkumpirma ini sang bandang Aegis sa ila social media post.

Ginpasalamatan nila si Sunot bangud sa naambag sini sa musikang Pilipino.

Nakig-unong man ang mga kaupod niya sa musika sa iya pagtaliwan.

Bag-o paman nagtaliwan napakigbahin pa ni Sunot sa social media ang iya pagpakigbato sa sakit nga cancer kun sa diin sang damlag lang man nagpaidalum ini sa operasyon.

Matandaan nga ginpasikat sang grupo nga Aegis kaupod si Sunot ang mga kantang ‘Luha’, ‘Halik’, kag ‘Basang-basa sa ulan’ sadtong 90’s.