Mexico, gintay-og sang magnitude 6.4 nga linog

Isa ka magnitude 6.4 nga linog ang nag-igo sa southern kag sentral nga bahin sang Mexico.

Suno sa national seismological agency sang Mexico nga malapit sa San Marcos ang epicenter sang linog.

Ginpahayag sang US Geological Survey nga nag-igo ang linog sa kadalumon nga 21.7 miles kag may kalayuon nga 2.5 miles north-northwest sang Rancho Viejo, Guerrero.

Temporaryo nga ginkanselar ni Mexican President Claudia Sheinbaum ang iya una nga press briefing sang tuig bangud sa linog.

Bisan ang mga residente kag turista sa Mexico City kag Acapulco nagdinalagan sa dalanon sang nabatyagan ang pagtay-og.

Padayon pa nga nagalibot ang mga otoridad kun may mga damages ukon casualty sa nasambit nga insidente.